Kritik Sastra

Wasta : Ahamd Rijal Nasrullah

NPM : 180210120025

Judul Novel : Carita Budak Minggat

Judul Essay : Samsoédi jeung Barudak

Mundel pisan Jasa tur karya Samsoéi dina ngamekarkeun kasusastraan Sunda, komo deui saupamana di hususkeun kana Carita-caritana ngeunaan barudak mah. Hal ieu anu matak nu nulis ieu Essey kataji pikeun nalungtik kasang tukang Samsoédi nulis karya-karya na. Jalan nu utama pikeun mitambeyan ieu panalingtikan téh iwal ti kudu maca téori Strukturalisme Genetik, anu bisa nembongkeun ideologi hiji pangarang, pang na deui kahirupan pangarang, khususna kahirupan Samsoédi jeung Barudak.

Novel Carita budak Minggat di tulis ku Samsoedi, nu diwedalkeun ku PT Kiblat Buku Utama, anjeuna ogé mangrupikeun salah sawiyos anggota IKAPI, novel ieu aya kana Tilu kali Cetakan, cetakan anu munggaran dina mangsa Balé Pustaka taun 1930, tuluy dicitak deui dina taun 1983 ku Penerbit Sari Buana, tug nepi ka diterbiktkeun deui dina taun 2013 ku Kiblat Buku Utama.

Sacara ringkes dina bubuka novel nguningakeun yén Samsoedi tina taun  1899 dugi ka 1987 di Bandung, lain baé ukur boga kaahlian dina ngarang carita, tapi deuih tapis dina ngagambar jeung nyanggi lagu. Karyana anu munggaran nyaéta Carita Nyi Halimah anu medal dina taun 1928. Dua taun ti harita, medal deui tilu buku, diantarana Carita Budak Teuneung, Carita Budak Minggat, jeung Carita Si Dirun. Ditéma deui ku Jatining Sobat jeung Babalik Pikir, anu medal dina taun 1931.

Komo deui Samsoedi téh mangrupikeun pagaranag Indonésia munggaran anu ngahususkeun diri dina nulis carita-carita barudak. Karya-karyana winangun basa lancaran, lain wawacan sakumaha anu populer dina jaman harita populér dina sastra Sunda.

Satamatna ti Sakola Guru dina taun 1917, langsung baé dijenengkeun jadi guru bantu di Tangerang, meunang genep taun. Waktu keur mancén tugas di dinya, Samsoedi sok milu ngabantu-bantu di Penjara Kanak-kanak Tangerang. Taun 1923 dipindahkeun gawe ka Bandung. Tujuh taun ti harita, pindah deui ka Jakarta, lantaran pindah gawé jadi rédaktur Balé Pustaka, tepi ka gubragna jaman pendudukan Jepang.

Dina jaman sanggeuns merdeka, Samsoedi ngarang dina basa Indonésia, Pasundan, 1949. Ari karyana dina basa Sunda, Carios Pangéran Dipanegara, medal taun 1956. Pleng lila teu nulis-nulis aya kana likuran taun.

Taun 1979, medal Kisah Syafe’i Sumarja, dina bahasa Indonesia. Saterusna dina taun 1980-an medal Minah dan Imron (1980) jeung Kisah Mandor hutan (1983). Ari anu dina basa Sunda nyaéta Si Bohin jeung Tukang Sulap (1980). Ti taun 1993, ngaran Samsoédi diabadikeun  jadi ngaran hadiah sastra pikeun buku bacaan barudak dina basa Sunda.

Carita Budak Minggat ngalalakonkeun si Kampéng, budak umur 16 taun anu minggat lantaranngdupak bapa terena nepi ka sirahna getihan lantaran tidagor kana juru tihang imah. Dina miminggatan salila kurang leuwih  10 Bulan, Si kampeng kungsi jadi jadi kuli kontrak jeung Bengkalis. Kungsi deuih nulungan kuli bangsa Cina anu rek dikerekeb ku maung. Ku sabab leukeun  diajar tur kaasup budak calakan, manehna bisa jadi tukang batu jeung tukang kai. Akhirna, manehna bisa balik deui ka Bandung kalawan salamet bari meunang pangalaman anu kacida munelna tur mawa duit ladang gawe di Sumatra.

Dina karyana Samsoédi boga kayakinan yén nu ngarana budak ogé bisa hirup pikeun mandiri, sok sanajan bakal loba halangan tur rintangan nu pasti datang, tapi anéhna Samsoédi nempatkeun hiji budak téh kudu keukeuh peuteukeuh kana kayakinanna sorangan, tuluy resikona ogé kudu kaasaan ku éta budak, nu akhirna bakal mulang deui kana pitulung nu jadi kolotna. Bisa jadi karya-karya Samsoédi téh ka inspirasi barudak anu dibina di Penjara Kanak-kanak Tangerang.

Referensi : Biografi Singket Samsoédi dina buku Carita Budak Minggat, PT Kiblat Buku Utama (2013)